GAUVAIN DE CANDIE

Gauvain de Candie est né à Chambéry, c'est ce qu'il racontait, vers 1475. Mais il appartenait à une très ancienne famille de Bresse. Il hérita de la terre et de la Seigneurie de Berruyre, et devint écuyer du Duc de Savoie. Il rédigea le poème dont on a un extrait ci-dessous à l'âge de 28 ans, poème adressé au couple ducal Marguerite d'Autriche et Philibert le Beau.


L'acteur vous prie de non l'acuser,
Mais ses tant grans erreurs excuser,
Se faulte y a de reigles et compas;
Car son droit mestier n'estoit ce pas:
Ce fust ung jeune gentilhomme,
Qui n'avoit pas de savoir somme.
En son eage de vingt huit ans,
Ce traicté emprist de son peu sens.
Peu avant, furent ses espiceaulx
Plaisirs en harnois et en chavalx
Ou, aultres fois, chanter et dancer,
Et tousjours guay à peu de penscer.
Mais, en tieulx menuz plaisirs estant,
Par Bacus qu'ainsy l'eust conseillé
Que là fust pris et fust despouillé,
Fors d'unue peau painte de vil vert,
Dont tout son corps fust recouvert.
Là souffrit un tourment trop amer
Et bien souvent mauldissoit la mer.
Venuz l'avoit fait nager des rains,
Dont tous ses membres en furent vains.
Mieulx luy vaulsist Neptune querre,
Ou Mars pour se trouver en guerre,
Ou Serès pour labourer,
Que s'agenouiller sans adorer.
Lors vint Diane qui le tourmenta,
Mais Aplo le reconforta.
Othea et Palas crioit: "Endure!"
Et carmantis sourvient d'aventure,
Pour seullement luy voulloir dire
Quil se occupast penser escrire;
En l'obeissant fust ententif
Ce livre faire et inventif,
Que l'on peult nommer l'dvisement
De Memoire et Entendement.
Sy bien là le servist jeunesse
Que par Aurora, la desses,
Eschapa de l'orde verdure.
Dieu doint que sa santé luy dure,
Auquel pryés qu'il meine sa voye.
Natif fust de Chambéry, en Savoie. Garde n'avez qu'il s'en desdie,
Car il s'en tient pour nul. Candie.


.






     Retour page ANTHOLOGIE